ROSAE purgatae

ROSAE purgatae

apud Spartian. in Aelio Vero, c. 5. Iam illa frequentantur a nonnullis, quod et accubationes ac mensas de rosis ac tilits fecerit. et quidem purgatis: sic dicebantur, quibus demptem erat album; quod ea pars minime tenera sit ac delicata. Ita enim idem paulo supra, eod. c. Lectum —— secerat minuto reticulo inclusum, eumque foliis rosae, quibus demptum erat album, replebat, iacensque —— velamine deliliisfactô setegebat, unctus odoribus Persicis. Quod autem hic de Mensis ait, sic intelligendum, uti cum Trebellius de Gallieno ait, c 16. Veris tempore cubicula de rosis fecit, h. e. cubicula rosis stravit. Itaque Verus mensas de rosis fecit, h. e. rosas in mensam sparsit et mensam rosis stravit ac operuit ita, ut tota de rosis facta videretur. Ovid. l. 5. Fast. v. 335.

Tempora sutilibus cinguntur tota coronis,

Et latet iniecta splendida mensa rosa.

Salmas. ad Spartian. loc. cit.